Պետք է ապահովվեն Ղարաբաղի հայերի իրավունքները և անվտանգությունը. Ժոզեպ Բորել

Ադրբեջանի կողմից Լաչինի միջանցքի երկայնքով միակողմանի անցակետ ստեղծելը հակասում է լարվածությունը նվազեցնելու ԵՄ կոչերին։ Այս մասին իր թվիթերյան գրառման մեջ նշել է ԵՄ արտաքին քաղաքականության պատասխանատու Ժոզեպ Բորելը՝ անդրադառնալով Ադրբեջանի կողմից Հակարիի կամրջին անցակետեր տեղակայելուն:

«Ադրբեջանի կողմից Լաչինի միջանցքի երկայնքով միակողմանի անցակետ ստեղծելը հակասում է լարվածությունը նվազեցնելու և հարցերը երկխոսության միջոցով լուծելու ԵՄ կոչերին։

ԵՄ-ն շարունակում է ներգրավվել Հարավային Կովկասում խաղաղության և կայունության հաստատման գործում։ Պետք է ապահովվեն Ղարաբաղի հայերի իրավունքները և անվտանգությունը»,-գրել է Ժոզեպ Բորելը իր թվիթերյան միկրոբլոգում։