Մարկեսի անեծքը․ Փաշինյանի մեծացած աչքերը․ Անդրանիկ Թևանյան

«Հայաստան» խմբակցության պատգամավոր Անդրանիկ Թևանյանի հայտարարությունը․

«Երբ Նիկոլ Փաշինյանն Ազգային ժողով է գալիս, խորհրդարանի շենքը վերածվում է ռազմականացված կառույցի։ Նիստերի դահլիճում անվտանգության աշխատակիցների թիվը գրեթե հավասարվում է պատգամավորների թվին։ Սեղաններից հավաքվում է ջուրը։ Այդ ընթացքում միջանցքներում վավզում են ականջների մեջ լարեր ու տարատեսակ սարքեր մտցրած մարդիկ։

Երբ Նիկոլ Փաշինյանը տեղաշարժվում է, նրա ավտոշարասյունը տարածաշրջանում ամենամեծաքանակն ու մահաբերն է դառնում։ Հղի կնոջ մահացու վրաերթը վկա։

Երբ Նիկոլ Փաշինյանը Ծիծեռնակաբերդ է այցելում, նրա թիկնազորը ծաղիկների մեջ պայթուցիկ նյութ է քուջուջ անում։

Նիկոլ Փաշինյանը վախեցած է այնպես, ինչպես նահապետը Մարկեսի հայտնի վեպում։ Նա վախեցած է, քանզի շատ լավ գիտի, թե ինչ է արել ու ինչ է անելու։

Նիկոլն իր դատավճիռը կայացրել է ու վախենում է այդ դատավճռից։ Նա Մարկեսի մեկ այլ գլուխգործոց վեպում նկարագրված տարբերակով է պատկերացնում իր վախճանն ու սարսափում։

Վախի աչքերը մեծ են լինում, աչքերի տերը՝ փոքր»։