Ուրախ եմ, որ այս հարաբերություններն ավելի են խորանում. Վրաստանի վարչապետը շնորհավորել է հայերին

«Այսօր ուզում եմ շնորհավորել մեր հայ հայրենակիցներին և եղբայրական հայ ժողովրդին, բոլոր նրանց, ովքեր առանձնահատուկ ուրախությամբ և մեծ շուքով են նշում Փրկչի Սուրբ Ծննդյան և Աստվածահայտնության տոնը»,- 1tv.ge-ի հաղորդմամբ, այս մասին ֆեյսբուքյան էջում գրել է Վրաստանի վարչապետ Իրակլի Ղարիբաշվիլին։

Վրաստանի կառավարության ղեկավարը նշել է, որ վրացի և հայ ժողովուրդների փոխադարձ հարգանքն ու սերը հանգեցրել են դարավոր բարեկամության և բարիդրացիության։

«Ցանկանում եմ շնորհավորել մեր հայ հայրենակիցներին և մեր եղբայր հայ ժողովրդին այս օրվա կապակցությամբ։ Բոլորին, ովքեր առանձնահատուկ ուրախությամբ և մեծ շուքով են նշում Փրկչի Սուրբ Ծննդյան և Աստվածահայտնության տոնը։ Մեր ժողովուրդների փոխադարձ հարգանքն ու սերը հանգեցրել է մեր դարավոր բարեկամությանն ու բարիդրացիությանը։ Ուրախ եմ, որ այս հարաբերություններն ավելի են խորանում։ Մաղթում եմ ձեզ առողջություն, խաղաղություն և բարօրություն»,- ասել է վարչապետը։