կարևոր
2917 դիտում, 1 տարի առաջ - 2022-12-22 15:18
Քաղաքական

Մեր խաղաղապահների հանդեպ նման վերաբերմունքը չի ընդունվում․ Զախարովան՝ Նիկոլ Փաշինյանին

Մեր խաղաղապահների հանդեպ նման վերաբերմունքը չի ընդունվում․ Զախարովան՝ Նիկոլ Փաշինյանին

Ռուսաստանի Դաշնության խաղաղապահները կատարում են Լաչինի միջանցքի վերահսկողության հետ կապված իրենց առջև դրված պարտականությունները։ Այս մասին ամենշաբաթյա ճեպազրույցի ընթացքում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Նա մեկնաբանել է ՀՀ վարչապետ Նիկոլ Փաշինյանի հայտարարությունն այն մասին, որ ռուս խաղաղապահները չեն կատարում իրենց պարտականությունները

«Ես կարող եմ հակառակն ասել՝ ռուս խաղաղապահներն իրենց առաքելությունն իրականացնում են։ Գործողություններ ձեռնարկվում են, աշխատանք տարվում է։ Նրանց, ովքեր չգիտեն, կամ ովքեր հիմնվում են քաղաքական հայտարարությունների վրա, ուզում եմ հիշեցնել, որ մինչ այս բազմիցս սրացումներ եղել են, եղել են խնդիրներ, կողմերն իրար մեղադրել են, և հենց ռուսաստանցի խաղաղապահներն են արել ամեն բան իրավիճակը կայունացնելու համար, և դա նրանց մոտ ստացվել է։ Այնպես որ, մեր խաղաղապահների հանդեպ նման վերաբերմունքը չի ընդունվում», - ասել է Զախարովան։

Ավելի վաղ հայտնել էինք, որ Նիկոլ Փաշինյանն այսօր կառավարության նիստում հայտարարել է, թե ՌԴ խաղաղապահ զորախումբը չի կատարում եռակողմ հայտարարությամբ արձանագրված իր պարտավորությունը։

Հիշեցնենք, որ թեմային նաև անդրադարձել և Նիկոլ Փաշինյանին պատասխանել է ՌԴ նախագահի մամուլի քարտուղար Դմիտրի Պեսկովը: