ԱՄՆ-ն և Ռուսաստանը Ստամբուլում չեն քննարկել Ուկրաինան. Պետդեպ

ԱՄՆ-ն և ՌԴ-ն Ստամբուլում կայացած հանդիպմանը չեն քննարկել Ուկրաինայի թեման, ՌԻԱ Նովոստիին հայտնել են պետդեպարտամենտում:

Ինչպես ուրբաթ օրը հայտարարել է ՌԴ փոխարտգործնախարար Սերգեյ Ռյաբկովը, ԱՄՆ-ն և Ռուսաստանը Ստամբուլում հանդիպում են անցկացրել վիզային հարցերի շուրջ՝ պրոֆիլային դեպարտամենտների մակարդակով։

«Մենք կարող ենք հաստատել, որ Պետդեպարտամենտի բարձրաստիճան պաշտոնյան գտնվում է կամ գտնվել է Ստամբուլում ռուս զրուցակիցների հետ երկկողմ հարցերի նեղ շրջանակի շուրջ հանդիպման համար», - ասել է գերատեսչության ներկայացուցիչը:

Նա նշել է, որ Պետդեպը չի մեկնաբանի «մասնավոր դիվանագիտական բանակցությունները»՝ հավելելով, որ շփումների ընթացքում չի քննարկվել Ուկրաինայում ռուսական հատուկ գործողությունը։