«Մեգա Խիմկի» առևտրի կենտրոնում բռնկված հրդեհից վնասը կարող է հասնել մինչև 30 միլիարդ ռուբլու

Մոսկվայի մարզում գտնվող «Մեգա Խիմկի» առևտրի կենտրոնում բռնկված հրդեհից վնասը կարող է կազմել մոտավորապես 20–30 միլիարդ ռուբլի՝ հաշվի առնելով մոտակայքում կայանված մեքենաների արժեքը։ «Իզվեստիա.ռու»-ի փոխանցմամբ, նման գնահատական է տվել Ապահովագրողների համառուսաստանյան միությունը։

Հրդեհը տեղի է ունեցել այսօր վաղ առավոտյան։ Ժամը 8:25-ին 7 հազար քմ տարածքում հրդեհը մեկուսացվել է։ Բացի այդ, առևտրի կենտրոնում  հզոր պայթյուն է որոտացել։ Մեկ մարդ զոհվել է։

Մոսկվայի մարզի դատախազությունը հրդեհի հետ կապված ստուգումներ է կազմակերպել։ Հարուցվել է քրեական գործ։

Ավելի վաղ հայտնել էինք, որ Մոսկվայի մարզում այրվում է «Մեգա Խիմկի» առևտրի կենտրոնը։