ՌԴ Ախ քարտուղար Պատրուշևը հայտարարել է, որ Լեհաստանն անցնում է Ուկրաինայի արևմտյան հատվածում տարածքներ գրավելուն

Ուկրաինայի, այսպես կոչված, արևմտյան գործընկերները դեմ չեն օգտվել երկրում ստեղծված իրավիճակից և արդեն քայլեր են ձեռնարկում այն մասնատելու ուղղությամբ։ Այս մասին մայիսի 31-ին հայտարարել է ՌԴ Անվտանգության խորհրդի քարտուղար Նիկոլայ Պատրուշեւը։

Նրա խոսքով՝ Լեհաստանը հատուկ ծրագրեր ունի Ուկրաինայի տարածքի համար և պատրաստվում է յուրացնել սահմանակից երկրի տարածքի մի մասը։

«Ըստ ամենայնի, Լեհաստանն արդեն անցնում է արևմտյան ուկրաինական տարածքները զավթելու գործողությունների։ Դրա վառ հաստատումն էր Լեհաստանի նախագահ Անջեյ Դուդայի այցը Կիև, ինչպես նաև նրա հայտարարությունները, որ լեհ-ուկրաինական սահմանը շուտով կդադարի գոյություն ունենալ»,- ասել է Պատրուշևը Վոլգայի մարզում ազգային անվտանգության հարցերով հանդիպման ժամանակ: