ՏԵՍԱՆՅՈՒԹ․ Շրջափակված է նաև ՀՀ անվտանգության խորհրդի շենքը․ Իշխան Սաղաթելյան

ՀՀ նախագահի նստավայրից բացի շրջափակված է նաև ՀՀ անվտանգության խորհրդի շենքը՝ ըստ Yerkir.am-ի հայտարարեց ՀՅԴ Հայաստանի ԳՄ ներկայացուցիչ, ԱԺ փոխնախագահ Իշխան Սաղաթելյանը «Դիմադրություն» շարժման շրջափակած Բաղրամյան 26-ի դիմաց։

Նա վստահեցրեց, որ մուտքերը փակելուց հետո որևէ աշխատակից ներս չի մտել և ոչ մեկը դուրս չի եկել։

«ՀՀ անվտանգության խորհրդի շենքը նույնպես շրջափակված է, որովհետև դա մյուս պետական հաստատությունն է, որը որևէ կերպ առնչություն չունի ՀՀ և հայության շահերի հետ․ դու գիտեք ով է ղեկավարում ԱԽՔ-ի կառույցը (ԱԽ քարտուղար՝ Արմեն Գրիգորյան, ԱԽ նախագահ՝ Նիկոլ Փաշինյան-խմբ․) և այդ շենքը ևս մեր արժանապատիվ քաղաքացիների կողմից շրջափակված է»,-հայտարարեց Իշխան Սաղաթելյանը։

Մանրամասն՝ տեսանյութում․