Ստեփանակերտում տեղի է ունեցել Անդրեյ Սախարովի արձանի բացման հանդիսավոր արարողությունը

Այսօր՝ մայիսի 21-ին, Ստեփանակերտի Անդրեյ Դմիտրիի Սախարովի անվան թիվ 8 ավագ դպրոցում տեղի է ունեցել ռուս ֆիզիկոս, իրավապաշտպան, ԽՍՀՄ ԳԱ ակադեմիկոս և քաղաքական գործիչ, ջրածնային ռումբի համահեղինակ Անդրեյ Սախարովի արձանի բացման հանդիսավոր արարողությունը:

«Արցախպրես»-ի թղթակցի հաղորդմամբ՝ արձանի տեղադրումը նվիրված է մեծ գործչի 101-ամյակին: Հեղինակը Գրիգորի Պուտոցկին է, իսկ նախաձեռնության հովանավորը` «Տաշիր» բարեգործական հիմնադրամը:

Արձանի հանդիսավոր բացման պատիվը տրվել է ԱՀ ԿԳՄՍ նախարար Անահիտ Հակոբյանին և հեղինակ, քանդակագործ Գրիգորի Պուտոցկուն: Վերջինիս կերտած քանդակները տեղադրված են աշխարհի տարբեր երկրներում:

Միջոցառմանը ներկա էր ԱՀ պետնախարար Արտակ Բեգլարյանը, պաշտոնատար այլ անձինք։