Ստացեք խաղաղության դարաշրջան կոչվող` Հայաստանի ու Արցախի` հիմա արդեն անվերապահ կապիտուլյացիան. Արթուր Ղազինյան

Բրյուսելում գտնվող իմ վստահելի աղբյուրները հայտնում են, որ վաղը փաշինյան-ալիև հանդիպման ընթացքում վերջնական տեսքի են բերելու Հայաստանի ու Ադրբեջանի միջև խաղաղության պայմանագիրը:

Պայմանագրի էական պայմաններն են.

1. երկու կողմերը ճանաչում են միմյանց տարածքային ամբողջականությունը,
2. Արցախը ստանում է մշակութային ինքնավարություն՝ Ադրբեջանի կազմում,
3. Հայաստանը տրամադրում է Ադրբեջանի արևմտյան տարածքները Նախիջևանին կապող միջանցք, որը պետք է ունենա նույն կարգավիճակը, ինչ Արցախը Հայաստանին կապող միջանցքը,
4. Հայաստանը պետք է ունենա պայմանագրային հիմքի վրա ձևավորված սահմանափակ թվակազմով և սպառազինություններով զինված ուժեր,
5. Հայաստանի Հանրապետությունն ու Ադրբեջանը երաշխավորում են փոխադարձ ներդրումների ապահովությունն ու անվտանգությունը,
6. կոմունիկացիաների ապաշրջափակումը պետք է իրականացվի փուլերով. սկզբնական շրջանում կապաշրջափակվեն հարավային շրջանների կոմունիկացիաները,
7. սահմանների դեմարկացիան ու դելիմիտացիան պետք է իրականացվի 1991թ.-ի դրությամբ գոյություն ունեցած սահմաններով:

Խնդրեմ. ստացեք խաղաղության դարաշրջան կոչվող` Հայաստանի ու Արցախի` հիմա արդեն անվերապահ կապիտուլյացիան…

Արթուր Ղազինյան

ԱԺ «Հայաստան» խմբակցության պատգամավոր