Բերման ենթարկվածների մեջ է նաև 14 տարեկան անչափահաս. Էլինար Վարդանյան

Մի խումբ բերման ենթարկվածներին բաց թողնելուց հետո կարծում էինք՝ Էրեբունու բաժնից արդեն կարող ենք գնալ, երբ մոտեցավ նոր մեքենա՝ «Արցախ, Արցախ» վանկարկումներով: Այս մասին Facebook-ի իր էջում գրել է ԱԺ պատգամավոր Էլինար Վարդանյանը:

«Դիմավորում ենք հերթական խմբին: Բաժնում արդեն «Առանց Նիկոլ Հայաստան» վանկարկումներն են: Բերման ենթարկվածների մեջ է նաև 14 տարեկան անչափահաս»,- հավելել է նա:

Նշենք, որ «Դիմադրություն» շարժումը  վաղ առավոտից վերսկսել է անհնազանդության ակցիաները՝ Նիկոլ Փաշինյանի հրաժարականի պահանջով։  Երևանի տարբեր հատվածներում նրանք փողոցներ են փակել: Մասնավորապես, փակվել են Տերյան-Իսահակյան խաչմերուկը, Պարոնյան փողոցը, Սեւակ-Ռուբինյանց խաչմերուկը եւ այլն: Ոստիկանությունը փորձում է վերականգնել երթևեկությունը։ Կան բազմաթիվ բերման ենթարկվածներ։