ՏԵՍԱՆՅՈՒԹ․ Իշխանությունը սադրանքներով հույս ունի ընկճել դաշնակցականի ոգին, բայց չի ստացվի․ Հայկազ Հարությունյան

ՀՅԴ «Նիկոլ Աղբալյան» ուսանողական միության վարչության անդամ, բժիշկ-ազատամարտիկ Հայկազ Հարությունյանը Yerkir.am-ի խնդրանքով մեկնաբանեց իշխանությունների սադրանքները, որից տուժում են նաև դաշնակցական երիտասարդ ակտիվիստները։

«Այսօր պայքարը շարունակվում է և մեծ թափ է առնում, իսկ այդ թափը առնելու հիմքում կանգնած է Դաշնակցությունը։ Այս շարժման առանցքում կանգնած է Դաշնակցությունը, երթերը վարում է Իշխան Սաղաթելյանը, և Դաշնակցության երիտասարդությանը կպնելով, ընկճելով, այսօրվա իշխանությունները հույս ունեն, որ կկարողանան ընկճել հայ դաշնակացականի ոգին։ Կասկածում եմ, որ նրանց հույսերը կարդարանան»,-ասաց նա։

Իրականում սադրանքները լինում են, նշեց նա, մենք դրանց չենք տրվում, բայց որոշ դեպքերում տաքարյուն երիտասարդներ ենք և հնարավոր է հակազդեցություն լինի, ինչն իշխանությունը շատ լավ կարողանում է օգտագործել ընդդեմ պայքարի։

«Սակայն պայքարը շարունակվում է, ավելի ուժեղանալու է, որովհետև մեր պայքրան արդար է՝ հանուն Հայաստանի Հանրապետության, հանուն Արցախի Հանրապետության, և հանուն հայ ազգի արժանապատվության բարձրացման»,-ասաց նա իրազեկման ավտոերթի ժամանակ։

Մանրամասն՝ տեսանյութում․