Ուզբեկ սահմանապահները սահմանին գնդակահարել են Ղրղզստանի երեք քաղաքացու

Ուզբեկստանի պետական անվտանգության ծառայության սահմանապահ զորքերը զենք են կիրառել Ղրղզստանի երեք քաղաքացիների նկատմամբ։ Այս մասին հայտնում է Kabar.kg-ը՝ հղում անելով Ղրղզստանի ազգային անվտանգության պետական կոմիտեի սահմանային ծառայության մամուլի ծառայությանը։

Միջադեպը տեղի է ունեցել նախօրեին  ղրղզա-ուզբեկական պետական սահմանի Ջալալ-Աբադի շրջանի Ալա-Բուկա շրջանի Աքթամի գյուղական վարչակազմի Դոբո-Կորգոն շրջանում:

Արդյունքում՝ 1974 թվականին ծնված Ղրղզստանի քաղաքացիներ Ա.Կ.-ն, 1998 թվականին ծնված Ա.Ժ. եւ 2000 թվականին ծնված Ա.Ժ.-ն վիրավորվել եւ տեղափոխվել են Ալա-Բուկա շրջանի հիվանդանոց, որտեղ, գիտակցության չգալով, ստացած հրաձգային վնասվածքներից մահացել են։

Միջադեպի հանգամանքները պարզելու նպատակով Ալա-Բուկա ուղղությամբ Ղրղզստանի սահմանային ներկայացուցիչն անմիջապես հանդիպում է անցկացրել Ուզբեկստանի Հանրապետության սահմանային ներկայացուցչի հետ Յանգի-Կուրգան ուղղությամբ։

Կողմերը պայմանավորվել են շարունակել հանդիպումը 2022 թվականի մայիսի 6-ին՝ ներքին հետաքննության արդյունքներով։

Դեպքի փաստով ծանուցվել են նաև համագործակցող մարմինները, ձեռնարկվել են քննչական գործողություններ։