ՏԵՍԱՆՅՈՒԹ․ Մտերմիկ ընկերական միջավայր է, բոլորը հասկանում են, որ նահանջելու տեղ չունենք․ Արթուր Խաչատրյանը՝ Ապարան-Երևան խարույկահանդեսից

Ապարան-Երևան խարույկահանդեսին Երևանից միացել են կուսակցական, մարտական ընկերներ՝ ըստ Yerkir.am-ի ասաց ՀՅԴ անդամ, ԱԺ «Հայաստան» խմբակցության պատգամավոր Արթուր Խաչատրյանը, ով Ապարան-Երևան քայլերթի հետ շարժվում է դեպի մայրաքաղաք։

Քայլերթի մասնակիցները գիշերում են վրաններում, իսկ երեկոյան խարույկի շուրջ են հավաքվել, որին էլ միացել են այլ ընկերներ։

Երգիչ Սամվել Երանյանը հայրենասիրական երգեր է հնչեցնում։

«Մտերմիկ ընկերական միջավայր է, բոլորը հասկանում են, որ նահանջելու տեղ չունենք»,-ուղիղ եթերում ասաց Արթուր Խաչատրյանը։

Նշենք, որ ապակենտրոն, ցանցային «Դիմադրություն» շարժման պայքարի շրջանակում իրազեկման ակցիաներ են տեղի ունենում մայրաքաղաքի տարբեր հատվածներում։ Զուգահեռ խորհրդանշական 4 վայրերից՝ Իջևանից, Տիգրանաշենից, Սարդարապատից ու Ապարանից արժանապատիվ քաղաքացիները քայլերթերով շարժվում են դեպի Երևան, որպեսզի մայիսի 1-ին միավորվեն համազգային հանրահավաքում։

Մանրամասն՝ տեսանյութում․