Երեկ մահացած հղի կինն արցախահայերի աջակցության բարեգործական ծրագրի ղեկավար էր. Սոնան իր առաջնեկին էր սպասում

Վարչապետ Նիկոլ Փաշինյանին ուղեկցող կորտեժի վրաերթի հետևանքով մահացած Սոնան հայտնի բժիշկ-վնասվածքաբան Մնացական Մնացականյանի դուստրն է: Yerevan.Today-ը պարզել է նաև, որ 29-ամյա Սոնա Մնացականյանը սովորել էր Իտալիայում, ՏՏ ոլորտի մասնագետ էր ու երկար տարիներ բնակվել ու աշխատել էր արտասահմանում: Հարազատները մեզ ասացին, որ Սոնան նոր էր վերադարձել հայրենի գյուղ՝ Բերքաշատ: Ամուսնացել էր անցած տարի, Երևանում էր բնակվում։ Սոնան իր առաջնեկին պետք է ունենար՝ հղի էր:

Ի դեպ, Սոնան «Թևեր ՏՏ» կնետրոնի ղեկավարն էր, տարհանված արցախահայերի բնակարանաշինության բարեգործական ծրագրում էր ներգրավված:

Սյուզի Բադոյան