«Նայի տղուս նկարին, նայի աչքերի մեջ ու ասա». զոհված զինծառայողի ծնողը՝ գլխավոր դատախազին

Շատ կարեւոր են հանգամանքները, թե  պատերազմի ժամանակ ինչ իրավիճակ է եղել, օպերատիվ ինչպիսի իրադրություն է եղել, ինչ տվյալներ ենք ունեցել, պաշտպանությունը կազմակերպելը իր ունեցած հիմքերով, զենքերի  գոյությունը եւ այլն: Այս մասին, այսօր՝ ապրիլի 26-ին,  Դատախազության մոտ 44-օրյա պտերազմում զոհված զինծառայողների հետ զրույցում նշեց գլխավոր դատախազ Արթուր Դավթյանը:

«Երեխուս նկարին նայելով ասեք այդ ամենը: Կուզեմ տղուս նայես, նայի էս տղու նկարին, աչքերի մեջ ու ասա»,-ասաց հուզված ծնողներից մեկը:

Քիչ անց, արդեն առանց միկրոֆոնի Արթուր Դավթյանը մոտեցավ այդ զոհված զինծառայողի հորը եւ ասաց. «Ես սա բարձրաձայն երբեք չեմ ասել ու չեմ էլ ուզում ասել: Ես ինքս 40 դատախազի հետ գնացել եւ խրամատում ծառայել եմ: Նույն հաջողությամբ ես կարող էի լինել քո որդու տեղը»: