Ռուսաստանը կրկին կփորձի գրավել ամբողջ Ուկրաինան. Ուկրաինայի ՊՆ

Ուկրաինայի պաշտպանության նախարարությունը չի բացառում, որ Ռուսաստանը կրկին կփորձի գրավել ամբողջ Ուկրաինան։ Սակայն ներկայումս ռուսական զորքերը միջանկյալ նպատակներ են դրել՝ գրավել երկրի հարավը և արևելքը. հեռուստամարաթոնի եթերում ասել է պաշտպանության փոխնախարար Աննա Մալյարը։

«Այսօր հարավը, ինչպես և արևելքը, իր վրա է կենտրոնացնում թշնամու՝ այս տարածքը գրավելու մեծ ջանքերը։ Սրանք այն միջանկյալ նպատակներն են, որոնք հակառակորդն իր առջեւ դնում է երկրորդ անգամ ամբողջ Ուկրաինան թիրախավորելուց առաջ։ Քանի որ նրանք առաջին անգամ դա արել են 2014 թ., ուստի, հակառակորդի համար ռազմավարական հետաքրքրություն է ներկայացնում հարավը, ինչպես նաև՝ արևելքը, դա հասկանալի է։ Եվ այսօր իսկապես շատ բարդ իրավիճակ է, այստեղ թաքցնելու ոչինչ չկա»,- Մալյարի խոսքերն է մեջբերում «Նովոստի Ուկրաինան»: