Անկում գրեթե բոլոր ոլորտներում․ «Փաստ»

«Փաստ» օրաթերթը գրում է. «Այն, որ Հայաստանի տնտեսությունը բավականին ծանր վիճակում է գտնվում, պարբերաբար նշում են և՛ ՀՀ փորձագիտական հանրույթը, և՛ միջազգային բավականին հեղինակավոր մի շարք կառույցներ։ Փաստն այն է, որ հետքովիդյան և հետպատերազմյան շոկից ՀՀ տնտեսությունը չի կարողանում ուշքի գալ, իսկ իշխանությունները ոչ մի կոնկրետ քայլ չեն ձեռնարկում ստեղծված իրավիճակում համապատասխան լուծումներ և կարգավորումներ գտնելու համար:

Այս վիճակին գումարվում է ռուս-ուկրաինական հակամարտությունը, որը, տնտեսագետների համոզմամբ, բավականին լուրջ ազդեցություն է թողնելու ՀՀ տնտեսության վրա։ Մասնագետները նշում են, որ, ցավոք, ՀՀ տնտեսության հետ կապված ոչ հուսադրող կանխատեսումների ալիքը շարունակական բնույթ է կրելու՝ իր բոլոր ծանր հետևանքներով։ Մասնավորաբար, նրանք 2022-ին տնտեսության գրեթե բոլոր ոլորտներում բացասական ցուցանիշներ են կանխատեսում և նշում, որ դրական միտումներ հնարավոր են միայն գյուղատնտեսության ոլորտում, այն էլ՝ կապված եղանակային առումով բարենպաստ տարվա, ինչպես նաև գյուղական բնակավայրերից ՌԴ արտագնա աշխատանքի մեկնողների ցածր թվի հետ։

Առավել մանրամասն՝ թերթի այսօրվա համարում