Թուրքիան 30 անգամ ավելի շատ պաշտպանական արտադրանք է մատակարարել Ուկրաինային, քան անցյալ տարի

Պաշտոնական տվյալների համաձայն՝ 2022 թվականի առաջին եռամսյակում Ուկրաինան Թուրքիայից գրեթե 30 անգամ ավելի շատ սարքավորումներ է ստացել պաշտպանական արդյունաբերության համար, քան մեկ տարի առաջ. գրում է Reuters-ը։

Այս ժամանակահատվածում Թուրքիան Ուկրաինա է արտահանել 59,1 միլիոն դոլարի տեխնոլոգիական արտադրանք՝ 2021 թվականի առաջին եռամսյակի 1,9 միլիոն դոլարի դիմաց` համաձայն Թուրքիայի արտահանողների ասամբլեայի հրապարակած տվյալների։

Կոնկրետ չի նշվում, թե ինչպիսի տեխնիկա է մատակարարվել Ուկրաինա։

Վերջին տարիներին Ուկրաինան թուրքական Baykar ընկերությունից գնել է ավելի քան 20 Bayraktar TB2 մարտական անօդաչու թռչող սարքեր և հունվարի 27-ին պատվիրել ևս 16-ը։ Այս խմբաքանակը առաքվել է մարտի սկզբին։