Մոտակա օրերին ռուսները կարող են հարձակման անցնել. Ուկրաինայի ԶՈւ գլխավոր շտաբ

Ռուսաստանցի զինվորականները հաջորդ օրը կարող են հարձակվել Ուկրաինայի արևելքում՝ Սևերոդոնեցկի ուղղությամբ։ Այս մասին կիրակի՝ ապրիլի 3-ին, ասվում է Ուկրաինայի զինված ուժերի գլխավոր շտաբի օպերատիվ տեղեկատվության մեջ։

Գլխավոր շտաբի տվյալներով՝ Դոնեցկի և Տավրիայի ուղղություններում ռուսները շարունակել են իրենց հիմնական ուժերը կենտրոնացնել Ռուբեժնոյե, Պոպասնայա, Տրոիցկոե, Ավդեևկա, Մարինկա, Կրասնոգորովկա բնակավայրերը գրավելու ուղղությամբ։

Բացի դրանից՝ ռուսաստանցի զինվորականները պատրաստվում են հարձակման, որը կարող է սկսվել առաջիկա 24 ժամում Սեւերոդոնեցկի եւ Բոլշայա Նովոսյոլկայի ուղղությամբ։

Զեկույցում ասվում է նաև, որ, «ավիացիայի և հրետանու աջակցությամբ, հակառակորդը շարունակում է գրոհը Մարիուպոլի վրա»։