Քարոզ է տարվում ՀՀ անկախության հռչակագրի դեմ․ Անդրանիկ Թևանյան

«Հայաստանում ստեղծվել է մի վիճակ, որով պայմանավորված՝ կարիք է առաջացել ՀՀ տարածքային ամբողջականության վերաբերյալ նախագիծ ներկայացնել։ Դատելով ամենից, ցավով եմ նշում,  շուտով  կարող է օրենսդրական նախաձեռնություն ներկայացենք Հայոց ցեղասպանությունը  ժխտող կամ Հայոց ցեղասպանության հետ կապված պետական քաղաքականությունը շրջանցող գործողությունները քրեականացնելու մասին  և, ի վերջո, ունենք իրավիճակ, երբ քարոզ է տարվում ՀՀ  անկախության հռչակագրի դեմ։ Երկու կետով  թիվ մեկ պաշտոնյայի կողմից հնչել են տեսակետներ, որոնք հակասում են ՀՀ անկախության հռչակագրին»,- ԱԺ իր ելույթում հայտարարեց «Հայաստան» խմբակցության պատգամավոր Անդրանիկ  Թևանյանը։