Այո, ես բիզնեսից եմ եկել, դրա համար էլ մենք տարբեր լեզուներով ենք խոսում․ Վահե Հակոբյանը՝ Քերոբյանին

ԱԺ տնտեսական հարցերով հանձնաժողովի նիստում քննարկվում է Էկոնոմիկայի նախարար Վահան Քերոբյանի ներկայացրած նախագիծը, ըստ որի՝ 1 մլն դրամ արժեքով ապրանքների արտահանման ժամանակ մաքսավճար չի վճարվի։

ՔՊ-ական պատգամավոր Ծովինար Վարդանյանը էկոնոմիկայի նախարարից հետաքրքրվեց, թե հնարավո՞ր է, որ այդ արտոնությունը փոքր բիզնեսին առավելություն տա խոշորի հանդեպ:

Այնուհետև հանձնաժողովի նախագահ Վահե Հակոբյանը փորձեց Ծովինար Վարդանյանի հարցը օրինակով ներկայացնել, ինչին նախարարը արձագանքեց, որ նման բան հնարավոր չէ, քանի որ միջազգային շուկայում նման խոշոր հայկական ընկերություն չկա:

«Բիզնեսից եկած մարդ եք, զարմանալի է, որ սենց հարց ենք քննարկում»,- ասաց Քերոբյանը։

Վահե Հակոբյանը պատասխանեց. «Այո, ես բիզնեսից եմ եկել, դրա համար էլ մենք տարբեր լեզուներով ենք խոսում»: