Իրանում Նովրուզին նախորդող վերջին երեքշաբթի օրը 13 մարդ է զոհվել, 814-ը՝ վիրավորվել

Իրանում առնվազն 13 մարդ է զոհվել Չարշանբ-է Սուրի՝  կրակի ավանդական փառատոնի ժամանակ. հայտնում է ՏԱՍՍ-ը՝ վկայակոչելով Իրանի արտակարգ իրավիճակների կազմակերպության ղեկավար Ջաֆար Միադֆարին։

«Այսօր երեկոյան՝ ժամը 20:30-ի դրությամբ, 13 մարդ, ցավոք, մահացել է վնասվածքներից»,- ասել է պաշտոնյան։

Տեղի ունեցած միջադեպերի հետևանքով տուժել է 814 մարդ։

Չարշանբ-է Սուրին ավանդական տոն է, որը նշվում է Նովրուզին նախորդող չորեքշաբթի գիշերը։ Ավանդաբար, այդ օրը մարդիկ խարույկներ են վառում և ցատկում դրանց վրայով։ Վերջերս փառատոնում տարածված է դարձել պիրոտեխնիկայի օգտագործումը, ինչի պատճառով ամեն տարի հարյուրավոր մարդիկ են վիրավորվում ու զոհվում: