Սա քրեական հետապնդում է՝ ցույց տալու համար, որ եթե դատավորն անկախ է, ապա կհայտնվի ՔԿՀ-ում. Արսեն Սարդարյան

Վերաքննիչ դատարանում դատավոր Բորիս Բախշիյանի կալանքի դեմ բողոքի քննությունը հետաձգվեց. պատճառը մեղադրող դատախազի բացակայությունն է։

Բախշիյանի փաստաբան Արսեն Սարդարյանը լրագրողների հետ զրույցում ասաց՝ դատախազը հայտնել էր, որ մասնակցում է դատախազության կոլեգիայի նիստին, ինչպես նաև չի ստացել վերաքննիչ բողոքը։

Ըստ նրա՝ Բորիս Բախշիյանի գործն օրինակ է՝ ցույց տալու, որ եթե դատավորն անկախ է աշխատում, անաչառ է, իր որոշումները նախապես չի համաձայնեցնում ինչ-որ անձանց հետ, չի կաշկանդվում քաղաքական ենթադրություններով, ապա նրա նկատմամբ կիրականացվի այնպիսի գործընթաց, որ դատավորի աթոռից կհայտնվի կալանավորի աթոռին։

Դատական հաջորդ նիստը կկայանա մարտի 14-ին՝ ժամը 15։15-ին։