Ռուսաստանը կարող է ուկրաինական մարտերում ներգրավել Մերձդնեստրի զինվորականներին. Ուկրաինայի ԶՈՒ գլխավոր շտաբը

Ռուսական զորքերը կարող են Ուկրաինայում մարտական գործողություններում ներգրավել Մերձդնեստրի զինվորականներին. ասվում է Ուկրաինայի զինված ուժերի գլխավոր շտաբի օպերատիվ տեղեկատվության մեջ։

Նշվում է, որ հյուսիսային և հյուսիսարևմտյան ուղղություններով մարտական գործողությունները շարունակվում են Պոլեսկիի և Վոլինսկիի օպերատիվ շրջաններում, ինչպես նաև Ուկրաինայի սահմանի երկայնքով և Նիժին, Իվանիցա, Տրոստյանեց բնակավայրերի տարածքներում, շարունակվում է Չեռնիգովի պաշտպանությունը։ Կիևի ուժերի և պաշտպանության միջոցների խմբավորումը հետ է մղում ռուսական զորքերի հարձակումը, կրակային վնաս է հասցնում նրա հարձակողական խմբավորումներին և հաստատակամորեն պահպանում որոշակի գծեր։

Ըստ փաստաթղթի՝ նաև չի բացառվում չճանաչված Մերձդնեստրովյան Մոլդովական Հանրապետության՝ մինչև 800 զինվորականների ներգրավման հնարավորությունը։