Եվրամիությունը հայտարարել է, որ իրենք ոչ թե պատերազմում են Ռուսաստանի հետ, այլ աջակցում են Ուկրաինային

Եվրամիությունը պատերազմի մեջ չէ Ռուսաստանի հետ, սակայն ստեղծված իրավիճակում աջակցում է Ուկրաինային. ըստ ՏԱՍՍ-ի՝ հայտարարել է Եվրամիության արտաքին քաղաքականության և անվտանգության քաղաքականության գերագույն ներկայացուցիչ Ժոզեպ Բորելը։ 

Նրա խոսքով՝ Ռուսաստանի դեմ պատժամիջոցներն անհրաժեշտ են, բայց պատժամիջոցներն ինքնին քաղաքականություն չեն, դրանք արձագանք են տիրող հանգամանքներին։

«Մեզ անհրաժեշտ են լուծումներ ծագած խնդրի համար, և այդ լուծումները պետք է առնչվեն դիվանագիտությանը... Մենք Ռուսաստանի հետ պատերազմի մեջ չենք, բայց մենք հարձակման ենթարկվածների կողմն ենք»,- ասել է Բորելը:

Նա հավելել է, որ այժմ չափազանց անպատասխանատու է խոսել միջուկային պատերազմի մասին, իսկ ԵՄ-ն ներկայումս չի քննարկում եվրոպական բանակ ստեղծելու հարցը։ Այնուամենայնիվ, Բորելը խորհուրդ է տվել ԵՄ անդամ երկրներին՝ բարելավել համակարգումը իրենց ազգային զինված ուժերի միջև և ավելացնել ընդհանուր պաշտպանական ծախսերը: