Ովքեր են համացանցային «քիլլերներն» ու դրանց հետ գործարքների մեջ մտած ստվերային եւ ոչ ստվերային պոչերն ու ականջները

«Իրավունքը» առիթ ունեցել է անդրադառնալու մեր գործընկերոջ, Newsmedia.am էլ. օրաթերթի հիմնադիր-ղեկավաև Գայանե Զարգարյանի եւ ՌՈ նախկին աշխատակից Վարդան Ղուկասյանի դեմ սկսված կեղտոտ արշավին, որն այլեւս իրավապահների տիրույթում է: Մեր նախորդ հրապարակման շրջանակներում նշել էինք նաեւ այն մասին, որ հանրային լուրջ ընդվզման ալիք է բարձրացրել մեր գործընկերոջ մարդ եւ լրագրող տեսակի մասին դաշտ նետված ՀԵՐՅՈՒՐԱՆՔՆԵՐԸ, ԶՐՊԱՐՏԱՆՔԸ ԵՒ ՄԵՂԱԴՐԱՆՔՆԵՐԸ, ինչին ի դեպ արձագանքեց նաեւ ՀՀ նախկին Ոստիկանապետ Ալիկ Սարգսյանը, քանի որ նույն ստահոդ եւ շինծու հրապարակման մեջ մեղադրանքներ էին հնչեցրել մեր գործընկերոջ հասցեին, ասելով որ նա տարիներ շարունակ որպես լրագրող «պատանդ» է վերցրել ՀՀ նախկին ոստիկանապետին, ով իբրեւ տարիներով շարժվել է այսպես ասած լրագրող Գայանե Զարգարյանի քմահաճույքներով: «Իրավունքի» հետ զրույցում ՀՀ նախկին Ոստիկանապետ Ալիկ Սարգսյանը մասնավորապես փաստել էր․«Շատ դրական,ազնիվ համարձակ, եւ սկզբունքային լրագրողի, ում հետ շփվել եմ բացառապես որպես նորմալ եւ կայացած լրագրողի : Եւ նրա հասցեին էլ, որեւիցէ մի վատ բան չեմ ասել ու չեմ էլ ասելու երբեք, որովհետեւ պատճառ եւ առիթ չկա։ Էն ստահոդ լուրերով որ փորձել են հերյուրանքներ տարածել Գայանեի հասցեին, միգուցե նրա անուն-ազգանունի փոխարեն մեկ ուրիշ լրագրողի անուն տային ՝ ասեի հնարավոր է, բայց ոչ երբեք Գայանե Զարագարյանը, քանի որ նրա հետ կապված ուղղակի որեւէ հարց չկա»: Փաստենք, որ վերը նշված զրպարտիչ, կեղտոտ ի վերջո փնթի հրապարակումը տեղ էր գտել arm-blog.info լրատվական կայքում եւ նրան կցված մի շարք էջերում: Որը կարճ ժամանակահատվածումը, մասնավորապես մեր գործընկերոջ եւ Վարդան Ղուկասյանի սեփական հետաքննության արդյունքում բացահայտվեց: