«Իմեդին» ներողություն է խնդրել ադրբեջանամետ քարոզչության համար

Ֆեյսբուքյան օգտատեր Հասմիկ Մելիքսեթյանն իր էջում հայտնել է, որ վրացական «Իմեդի» հեռուստաընկերությունը ներողություն է խնդրել ավելի վաղ ադրբեջանամետ և հակահայկական քարոզչության համար:

«Իմեդին ներողություն է խնդրել՝ հայտարարելով, որ սխալը տեխնիկական է եղել, ու հոլդինգի սոցիալական բոլոր էջերից հեռացվել է ներքոնշյալ թողարկումը», - նշել է նա:

Հիշեցնենք, որ իր ռեպորտաժներից մեկում, անդրադառնալով հայկական մածունի` Վրաստանում անվան հետ կապված խնդրին, հեռուստաընկերությունը տարայի լուսանկար է հրապարակել վրացերեն՝ մածուն գրությամբ, որի վրա եղել են նաև հակահայկական «Ղարաբաղը Ադրբեջան է», «Տոլման նույնպես ադրբեջանական է» գրությունները: