Պետք է խստացվեն դրոշի նկատմամբ անփույթ վերաբերմունքի դեպքում սահմանված պատժամիջոցները․ Օհանյան

Մեր պետական դրոշի նկատմամբ վերաբերմունքը պետք է դիտել  պետական խորհրդանիշերի համատեքստում, որովհետև պետական խորհրդանիշերի նկատմամբ հանրության վերաբերմունքի փոփոխությունը մեծապես կախված է պետական կառույցներից․ խորհրդարանում հայտարարեց «Հայաստան» խմբակցության ղեկավար Սեյրան Օհանյանը՝  անդրադառնալով  Աղվան Վարդանյանի հեղինակած՝  պետական դրոշի գործածման տարածքներն ընդլայնող նախագծին:

«Խոսում ենք դպրոցների մասին, իհարկե,  դպրոցներից մինչև պետական կառույցներ, նաև՝ անհատից մինչև պաշտոնյաներ  ճանապարհին  անչափ կարևոր է, որ  պետական պաշտոնյաներն անձնական օրինակով ուղղորդեն մեր խորհրդանիշերի նկատմամբ հանրության  վերաբերմունքը»,-ասաց Սեյրան Օհանյանը։

«Եթե համեմատելու լինենք, ռազմական տեսանկյունից, մարտական դրոշները պատվի, արիության և փառքի խորհրդանիշեր են, նույնիսկ մարտական դրոշը կորցնելու դեպքում զորամասերը լուծարվում են»,- ասաց նա:

Սեյրան Օհանյանը նաև ընդգծեց, որ պետք է խստացվեն  դրոշի նկատմամբ անփույթ վերաբերմունքի դեպքում սահմանված պատժամիջոցները:

Մանրամասն՝ տեսանյութում։