Թուրքիան պատերազմ է հայտարարել քրդական ուժերին. SDF հրամանատար

Սիրիայի դեմոկրատական ուժերի (SDF) գլխավոր հրամանատար Մազլում Աբդին հայտարարել է, որ վերջին օրերին Սիրիայի հյուսիս-արևելքում գտնվող Դերիք քաղաքի (Ռոժավա) ռմբակոծումը քրդական ուժերին պատերազմի հայտարարություն է։

Փետրվարի 1-ի ուշ երեկոյան թուրքական բանակը Քուրդիստանի աշխատավորական կուսակցության (PKK), ինչպես նաև Ժողովրդի պաշտպանության ստորաբաժանումների (YPG) «ահաբեկիչների» դեմ պայքարելու պատրվակով ավիահարվածներ է հասցրել Շինգալի (Իրաքի քաղաք) Դերիք և Ռոժավայի Մախմուր քաղաքներին։ Թուրքական կողմը գործողության մասին հայտարարել է միայն հաջորդ օրվա առավոտյան։ Ավիահարվածների արդյունքում խաղաղ բնակիչներ են զոհվել և վիրավորվել։

«Այն Դիվարի և Դերիքի թուրքական ռմբակոծությունները հանգեցրել են խաղաղ բնակիչների և մարտիկների նահատակությունների, ինչպես նաև վնասել են հասարակական ենթակառուցվածքները, ներառյալ՝ ամբարտակն ու էլեկտրակայանը: Այս հարձակումը հավասարազոր է պատերազմի հայտարարմանը, որը վտանգի տակ է դնում խաղաղ բնակչությանը և խաթարում մեր պայքարն ԻՊ-ի դեմ», - գրել է Աբդին Twitter-ում: