Ընդդիմությունը չի կարող ձայն տալ Նիկոլ Փաշինյանի կամակատար նախագահի թեկնածուին․ Խամոյան

Իհարկե, ընդդիմությունը չի կարող ձայն տալ Նիկոլ Փաշինյանի կամակատար նախագահի թեկնածուին, որը երկրորդ փուլով դառնալու է Հանրապետության նախագահ, որն արդեն իսկ հայտարարել է, խոստովանել, որ լինելու է Նիկոլ Փաշինյանի որոշումները դակող նախագահ․ ԱԺ-ում լրագրողների հետ զրույցում ասաց «Հայաստան» խմբակցության պատգամավոր Ագնեսա Խամոյանը։

«Ինչպես Նիկոլ Փաշինյանն էր ասել իր վերջին հարցազրույցում, կառավարության վերջին նիստի ժամանակ՝ ապահովում է իր իշխանական բուրգի ներդաշնակեցումը։ Ըստ էության, հաշվի առնելով այն հանգամանքը, որ երկրորդ փուլով՝ ընդամենը 65 ձայնով կարողանալու են նախագահ կարգել Վահագն Խաչատուրյանին, հաջողվելու է ապահովել նրա իշխանական բուրգի անխափան աշխատանքը»,- ասաց ընդդիմադիր պատգամավորը։