Լիբանանն ու Իսրայելը վերսկսում են ծովային սահմանի շուրջ բանակցությունները

Իսրայելի էներգետիկայի նախարարությունը հայտարարել է, որ Իսրայելի և Լիբանանի տնտեսական շահերի գոտու սահմանազատման շուրջ բանակցությունները կվերսկսվեն հաջորդ շաբաթ։ Մի քանի օրից էներգետիկայի նախարար Կարին Էլհարարը կհանդիպի ամերիկացի միջնորդ Ամոս Հոխշտեյնի հետ։

Հունվարի 26-ին Լիբանանի նախագահ Միշել Աունը հայտարարել է, որ Լիբանանը պատրաստ է վերսկսել բանակցությունները հարավային ծովային սահմանի շուրջ։ Իսրայելի հետ անուղղակի բանակցությունները մեկնարկել են 2020 թվականին, սակայն սահմանային Նակուրայում ամերիկյան միջնորդությամբ և ՄԱԿ-ի հովանու ներքո անցկացված մի քանի փուլեր ավարտվել են անարդյունք։

Վիճելի տարածքը հարուստ է բնական գազով, սակայն դրա արդյունահանումն անհնար է այնքան ժամանակ, քանի դեռ չի լուծվել տարածքների սեփականության հարցը։