Իրանն օկուպացված Ջրականում արդյունաբերական քաղաք կստեղծի. Արցախի մի շարք այլ տարածքներում Ադրբեջանի հետ այլ համատեղ գործունեություն կծավալվի

Բաքու-Թավրիզ-Բաքու չվերթի բացումը, ինչպես նաև Թավրիզ-Նախիջևան երկաթուղային գծով մարդատար գնացքների տեղաշարժը Իրանի ճանապարհների և քաղաքաշինության նախարար Ռուստամ Ղասեմիի՝ Բաքու կատարած այցի արդյունքն է. հայտարարել է Իրանի Արևելյան Ադրբեջան նահանգի նահանգապետ Աբեդին Խորամը. հայտնում է ադրբեջանական APA-ն։

«Իրանական մասնավոր ընկերությունների հետ համատեղ համագործակցության հարցերը, երկաթուղու շինարարության, «ազատագրված» (չակերտումը մերն է` խմբ.) տարածքների վերականգնմանը մասնակցության, ճանապարհային կամրջի կառուցման, Ջաբրայիլի շրջանում արդյունաբերական քաղաքի ստեղծման, Խուդաֆերինի հիդրոէլեկտրակայանի տուրբինների գործարկման հարցերը,  Խուդաֆերինի սահմանային անցակետի գործարկումը այցի ընթացքում ձեռք բերված հաջող պայմանավորվածություններ են»,- նշել է նա։