Իրանը փակել է ՄԱԿ-ին պարտքի անհրաժեշտ մասը` վերականգնելով ձայնի իրավունքը

Իրանը մարել է ՄԱԿ-ում ներդրումների պարտքի մի մասը և վերականգնել է Գլխավոր ասամբլեայում ձայնի իրավունքը։ Այս մասին հայտնել է ՄԱԿ-ի Գլխավոր ասամբլեայի նախագահի պաշտոնական ներկայացուցիչ Պոլինա Կուբյակը. հայտնում է РИА Новости-ն։

«Գլխավոր ասամբլեան հաշվի է առել, որ Գվինեան, Իրանը և Վանուատուն վճարել են իրենց համապատասխան պարտքը... Սա նշանակում է, որ նրանք այժմ կարող են կրկին քվեարկել Գլխավոր ասամբլեայում»,- ասել է նա ճեպազրույցում:

Ավելի վաղ Իրանը հերթական անգամ կորցրել էր ՄԱԿ-ի Գլխավոր ասամբլեայում ձայնի իրավունքը կազմակերպությանն ունեցած պարտքերի պատճառով։ Քվեարկելու իրավունքը վերականգնելու համար Իրանը պետք է հատկացներ 18,4 միլիոն դոլար: