2021-ին բյուջեից 6 մլրդ 700 մլն դրամ է հատկացվել վիրավոր զինծառայողների վերականգնողական բուժմանը. նախարար

2021 թվականին ՀՀ պետբյուջեից 6 մլրդ 700 մլն դրամ է հատկացվել վիրավոր զինծառայողների վերականգնողական օգնությանը: Այս մասին լրագրողների հետ զրույցում ասաց առողջապահության նախարար Անահիտ Ավանեսյանը:

Նրա խոսքով՝ այս ծրագրին ի սկզբանե 3 մլրդ 296 մլն դրամ էր հատկացվել, սակայն այդ գումարը տարվա ընթացքում բազմիցս վերանայվել էր: Ամբողջ տարվա ընթացքում այս ծրագրին ուղղվել է 6 մլրդ 700 մլն դրամ:

Ըստ նախարարի՝ ֆինանսավորման մեխանիզմով այս ծրագիրը տարբերվում է այլ ծրագրերից. դրա ֆինանսավորումը օֆերտայի սկզբունքով է կազմակերպվում, այսինքն՝ ծառայությունները մատուցելու կատարողականի հիմքով, եւ ֆինանսավորումը սահմանափակված չէ տարեկան բյուջետային շրջանակներով: