Մոտ ապագայում քիչ հավանական է. Բայդենը ՆԱՏՕ-ին Ուկրաինայի անդամակցության մասին

Ուկրաինան դժվար թե մոտ ժամանակներս անդամակցի ՆԱՏՕ-ին. հայտարարել է ԱՄՆ նախագահ Ջո Բայդենը։ Նրա խոսքով՝ դրա համար անհրաժեշտ է կատարել մի շարք պայմաններ:

«Մենք ունենք մի շարք միջազգային պայմանագրեր, որոնցով եվրոպական երկրները կարող են միանալ մեզ։ Բայց հավանականությունը, որ Ուկրաինան մոտ ապագայում կմիանա ՆԱՏՕ-ին, այնքան էլ մեծ չէ»,- ասել է Բայդենը։

Նրա խոսքով՝ դա պայմանավորված է նրանով, որ Ուկրաինան պետք է մեծ աշխատանք կատարի ժողովրդավարության ուղղությամբ։ Բացի դրանից՝ Ուկրաինայի անհապաղ ընդգրկման հարցը պետք է որոշվի քվեարկությամբ։

Հիշեցնենք, որ ավելի վաղ միջազգային փորձագետները բացառել էին ՆԱՏՕ-ին Ուկրաինայի կամ Վրաստանի անդամակցությունը` նշելով, որ ՆԱՏՕ-ն չի ցանկանա իր շարքերում ընդգրկել պետությունների, որոնք լուրջ ռազմական հակամարտության մեջ են Ռուսաստանի նման երկրի հետ: