Պակիստանցի տաքսիստնե՛ր, եկե՛ք, իսկ հայերը չվեն ՌԴ. Վ. Քերոբյանի նոր անակնկալները

Այսօր ՀՀ էկոնոմիկայի նախարարը, ներկայացնելով «Լիցենզավորման մասին» օրենքում փոփոխություններ կատարելու մասին օրենքի նախագիծը, հայտնեց, որ հեշտացվում է 13 տիպի գործունեության համար օտարերկրյա ներդրողների մասնակցությունը: Խոսքը, մասնավորապես, հետեւյալ տեսակների մասին է՝ մասնավոր պահնորդական գործունեություն, ինկասացիոն ծառայությունների մասնակցությունը, փոստային կապի գործունեությունը, միջուկային նյութերի և ռադիոակտիվ թափոնների ներմուծումն ու արտահանումը, երկաթուղային տրանսպորտի գործունեության կազմակերպումը, մեկ մարդատար տաքսիով ուղևորափոխադրումների իրականացնումը, անհատ ձեռնարկատերերի և կազմակերպությունների կողմից մարդատար տաքսիների միջոցով ուղևորափոխադրումները, քաղաքաշինական փաստաթղթերի, ինժեներական բաժինների մշակումը, դրանց փորձաքննությունը, շինարարության իրականացումը, դրանց որակի տեխնիկական հսկողությունը և շենքերի տեխնիկական վիճակի հետազննությունը:

Նախագծից կարող ենք եզրակացնել, որ, օրինակ, օտարազգի տաքսիստների համար լիցենզիա կա՛մ չի լինելու, կա՛մ այն լինելու է ձևական, կա՛մ, առնվազն, ինչ-որ կերպ այն տարբերվելու է հայաստանաբնակ տաքսիստների համար սահմանված կանոններից:

Փաստենք՝ միայն վայրի նեոլիբերալներն առավել լավ պայման կստեղծեն օտարի, քան սեփական ժողովրդի համար:

Նիկոլը հերթով խժռում է իրեն իշխանության բերողներին: Խժռում է՝ հերթով ու կարգով: Հերթը հասավ տաքսիստներին:

Հնդիկի, պակիստանցու, տաջիկի և այլոց աչքը լույս:

Վ.Ս.