ԵՄ-ն ողջունում է Թուրքիա-Հայաստան երկխոսությունը

Եվրամիությունը ողջունում է Թուրքիայի և Հայաստանի ցանկությունը՝ աշխատել երկկողմ հարաբերությունների կարգավորման ուղղությամբ. ասվում է ԵՄ դիվանագիտության պաշտոնական ներկայացուցիչ Ժոզեպ Բորելի հայտարարության մեջ։

«ԵՄ-ն ողջունում է ինչպես Թուրքիայի, այնպես էլ Հայաստանի ցանկությունը՝ աշխատել երկու երկրների միջև հարաբերությունների կարգավորման ուղղությամբ, ինչպես նաև այդ նպատակով հատուկ ներկայացուցիչների նշանակումը»,- ասվում է հայտարարության մեջ։

ԵՄ-ն հատուկ ներկայացուցիչների առաջին հանդիպումը, որը տեղի է ունեցել ուրբաթ Մոսկվայում, անվանել է «կարևոր առաջընթաց»:

«Հարաբերությունների կարգավորմանն ուղղված ցանկացած հետագա կոնկրետ քայլ լավ նորություն կլինի տարածաշրջանային կայունության և հաշտեցման ու տնտեսական զարգացման հեռանկարների համար»,- ասվում է հայտարարության մեջ։