ՀԱՊԿ խաղաղապահները վերահսկողության տակ են վերցրել Ալմաթիի օդանավակայանը

ՀԱՊԿ խաղաղապահները Ղազախստանի իրավապահ մարմինների հետ հսկողության տակ են վերցրել Ալմաթիի օդանավակայանը։ Այդ մասին լրագրողներին հայտնել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը։

«Առայժմ Ղազախստանի Հանրապետության իրավապահ մարմինների հետ Ալմա Աթայի օդանավակայանը վերցվել է լիակատար վերահսկողության տակ»,- ասել է նա։

Կոնաշենկովը հավելել է, որ ՀԱՊԿ խաղաղապահները իրավապահների հետ Ղազախստանում կարգուկանոն են պահպանում։

Ռազմական գերատեսչության պաշտոնական ներկայացուցչի խոսքով՝ այժմ պաշտպանության տակ են Ալմա Աթայում տեղակայված՝ Ռուսաստանի Դաշնության գլխավոր հյուպատոսությունը և այլ կարևոր օբյեկտներ։