Լուկաշենկոն Պուտինին երշիկ է նվիրել

Բելառուսի նախագահ Ալեքսանդր Լուկաշենկոն Սանկտ Պետերբուրգ կատարած այցի ժամանակ Ռուսաստանի Դաշնության նախագահ Վլադիմիր Պուտինին մթերքով զամբյուղ և գավաթներ է նվիրել։ Այս մասին հայտնել է «Пул Первого» թելեգրամյան ալիքը։

«Ինչպես միշտ, մի զամբյուղ  բելառուսական համեղ երշիկեղեն, պանիր: Նաև՝ գավաթների հավաքածու»,- ասվում է հրապարակման մեջ։

Լուսանկարում, մասնավորապես, բելառուսական Bonfesto արտադրողի մասկարպոնե պանիր է, որն արգելված է Արևելյան Եվրոպայից ներկրել Ռուսաստան:

Լուկաշենկոյի՝ Ռուսաստան կատարած այցի ընթացքում նախագահները քննարկել են հարկային, ֆինանսական և մաքսային օրենսդրության ոլորտում երկու երկրների ինտեգրման գործընթացները։ Պուտինն ու Լուկաշենկոն մասնակցել են նաև հոկեյի ընկերական հանդիպման։