ՈւՂԻՂ. Ընդհանուր իրավասության դատարանում շարունակվում է Ա.Մինասյանի եւ Ա.Մկրտչյանի բողոքի քննությունը

Երևանի ընդհանուր իրավասության դատարանի՝ Շենգավիթի նստավայրում շարունակվում է ԱԺ «Հայաստան» խմբակցության քարտուղար Արծվիկ Մինասյանի եւ «Պատիվ ունեմ» խմբակցության պատգամավոր Աննա Մկրտչյանի հանդեպ ԱԺ-ում օգոստոսի 24-ին ԱԱԾ ՊՊԾ աշխատակիցների կողմից բռնություն գործադրելու փաստով քննչական մարմինների՝ քրեական գործ չհարուցելու վերաբերյալ բողոքը:

Դատարանը նախորդ նիստում լսեց կողմերին և որոշեց տվյալ բողոքին առնչվող անձանց՝ ԱԺ նախագահ Ալեն Սիմոնյանին եւ ԱԱԾ ՊՊԾ պետ Սարգիս Հովհաննիսյանին, ինչպես նաեւ դեպքին առնչվող այլ ՊՊԾ աշխատակիցներին նույնպես ծանուցում ուղարկել:

Դատավորը նշեց՝ քանի որ քննիչի որոշման մեջ մատնանշվել է, որ Ալեն Սիմոնյանի և ՊՊԾ պետի գործողությունները եղել են իրավաչափ, հետևաբար, դատարանը համարում է, որ այս գործը կարող է առնչվել նաև նրանց շահերին։

Դատական նիստին առաջարկում ենք հետեւել Yerkir.am-ի ուղիղ հեռարձակմամբ: