«Լավ կյանք» խոստացող «գունավոր հեղափոխություններից» հետո արտագաղթի թվերն աճում են

Լեհաստանում ապրող բոլոր օտարերկրացիների 57%-ը ուկրաինացիներ են։ Ընդհանուր առմամբ, Ուկրաինայի ավելի քան 300 հազար քաղաքացի Լեհաստանում պաշտոնական կացության թույլտվություն է ստացել. հայտնել է Լեհաստանի Օտարերկրացիների հարցերով գրասենյակի մամուլի քարտուղար Յակուբ Դուդզիակը՝ հավելելով, որ նրանց մոտ 60%-ը մինչեւ 40 տարեկան երիտասարդներ են։

«2014 թվականից ի վեր ուկրաինական ներգաղթի զգալի աճ է նկատվում, որը հիմնականում կապված է աշխատելու ցանկության հետ»,- ասել է Դուդզյակը։

Ուկրաինայում Մայդանից հետո նկատվել է արտագաղթի թվերի աճ: 

Նման պատկեր դիտարկվում է նաև այլ երկրներում, որտեղ եղել են «գունավոր հեղափոխություններ». օրինակ՝ Հայաստանում, որտեղ «ներգաղթ» խոստացող հեղափոխություն է եղել 3.5 տարի առաջ, սակայն ոչ միայն չի իրականացել, այլև պահպանվել և ավելացել են արտագաղթի թվերը, որը պատերազմից հետո էլ ավելի է շատացել:

Ինչպես «գունավոր հեղափոխությամբ» վարակված այլ երկրներում, այնպես էլ Հայաստանում արտագաղթողների թվում մեծամասնություն են հեղափոխության ակտիվ ջահակիրները: