Ընդդիմադիր պատգամավորներին կալանքի տակ պահած դատավորների՝ պատասխանատվության ենթարկելու գործընթացը կմեկնարկի շուտով. Ղազինյան

ԱԺ ընդդիմադիր պատգամավորներին 4 ամիս ապօրինի կալանքի տակ պահելու համար պատասխանտու են ՀՀ գլխավոր դատախազը և կալանքի միջնորդությունը բավարարած բոլոր դատավորները: Այս մասին գրել է «Հայաստան» խմբակցության պատգամավոր Արթուր Ղազինյանը։

«Նրանցից և ոչ մեկը չդիմեց ՀՀ Սահմանադրական դատարան, չնայած որ առկա էր հիմնավոր և ողջամիտ կասկած ԱԺ պատգամավորներին առանց ԱԺ համաձայնության անազատության մեջ պահելու սահմանադրականության մասով և պարտավոր էին դա անել:

Նշված անձանց պատասխանատվության ենթարկելու գործընթացը կմեկնարկի շուտով:

Հ.Գ. Սահմանադրական դատարան դիմումը ներկայացրել էին ՀՀ ԱԺ ընդդիմադիր պատգամավորները՝ կիրառելով իրենց մանդատի սահմանադրական լիազորությունը», - գրել է Ղազինյանը։