Ռաիսին և Էրդողանը քննարկել են համագործակցությունը մի շարք ոլորտներում և տարածաշրջանում

Մենք պնդում ենք, որ տարածաշրջանի խնդիրները պետք է լուծվեն տարածաշրջանի երկրների ներսում և տարածաշրջանի երկրների ակտիվ մասնակցությամբ, արտաքին միջամտության կարիք չկա։ Այս մասին Իրանի նախագահ Իբրահիմ Ռաիսին հայտարարել է Թուրքիայի նախագահ Ռեջեփ Էրդողանի հետ հեռախոսազրույցում. գրում է Mehr-ը։

«Ահաբեկչության դեմ պայքարի հիմնական միջոցը երկրների ինքնիշխանությունը հարգելն է, և հաշվի առնելով ահաբեկչության դեմ պայքարում Իրանի Իսլամական Հանրապետության փայլուն պատմությունը՝ մենք ողջունում ենք բոլոր երկրների համագործակցությունը ահաբեկչության դեմ պայքարում»,- ասել է Ռաիսին։

Կարևորելով Թեհրան-Անկարա հարաբերությունները տնտեսական և առևտրային ոլորտներում՝ Իրանի նախագահը նշել է, որ «շուտով, Թեհրանում համատեղ հանդիպման անցկացմամբ, համագործակցության զարգացումը կմտնի նոր փուլ»։

Էրդողանն ընդգծել է Թեհրանի և Անկարայի միջև համատեղ հանդիպումների անհրաժեշտությունը և նշել, որ երկու երկրների հարաբերությունները նոր էջ կմտնեն Թեհրան՝ իր առաջիկա այցից հետո։