Ինֆորմացիայի կորուստ է եղել․ նախարարը՝ քովիդից մահացածների թվի անճշտության մասին

Այո, վիճակագրական ծառայությունն ամփոփում է մեր երկրում գեներացվող բոլոր տեղեկատվական աղբյուրներից ինֆորմացիան և տալիս է թափանցիկ կերպով հանրապետությունում իրավիճակը, դա վերաբերում է մահվան դեպքերին. կառավարությունում նիստից հետո լրագրողների հետ ճեպազրույցում ասաց առողջապահության նախարար Անահիտ Ավանեսյանը՝ անդրադառնալով հարցին, թե ինչո՞ւ է ՊՎԾ ստուգումների արդյունքում քովիդից մահացածների թիվը ոչ թե մոտ 5 հազար 700 է, ինչպես ներկայացնում է նախարարությունը, այլ 6 հազար 400-ին մոտ։

««Արմեդ» համակարգը ժամանակի ընթացքում, երբ ընդլայնել է իր տեղեկատվական շտեմարանի բովանդակությունը, ինչ-որ պահերի ինֆորմացիայի կորուստ եղել է, բայց դա չի նշանակում, որ թաքցվել է կամ չի մտել մեր երկրում արձանագրված տվյալների մեջ»,- ասաց Ավանեսյանը։