Տարակուսած եմ, որ ջանասիրաբար մերժում եք զինվորներին արտոնության տրամադրումը. Թագուհի Թովմասյան

ԱԺ պաշտպանության և անվտանգության հարցերի մշտական հանձնաժողովի նիստում «Պատիվ ունեմ» խմբակցության պատգամավոր Թագուհի Թովմասյանն օրենքի նախագիծ էր ներկայացրել, որով առաջարկվում է զինծառայողների առողջական վիճակի հետազոտումը, փորձաքննությունը և բուժումը կատարել առաջնահերթ և անվճար՝ պետության երաշխավորած բժշկական օգնության և սպասարկման շրջանակներում:

ՔՊ պատգամավորներն ու կառավարության ներկայացուցիչները դեմ արտայատվեցին օրենքի նախագծին:

Պատասխանելով նրանց՝ պատգամավորն ասաց. «Առողջապահության նախարարը մերժում է, բայց դիմացը ոչինչ չի առաջարկում։ Այդպես չի լինում: Իսկ ինչ վերաբերում է պարոն Գաբրիելյանի ասածներին, չի կարելի անընդհատ ասել, որ՝ դուք ավելի շատ եք մտածում զինծառայողների մասին, հետո էլ ջանասիրաբար մերժել»: