Ստամբուլում փոթորիկը 4 մարդու կյանք է խլել, 38-ը վիրավորվել են

Թուրքիայի ամենամեծ քաղաքում՝ Ստամբուլում, հարավարևմտյան քամու ուժգնության հետևանքով զոհվել է առնվազն 4 մարդ, վիրավորվել՝ 38-ը. հայտնել է հանրապետության առողջապահության նախարար Ֆահրեթթին Քոջան։

Մեկ մարդ մահացել է տանիքի փլուզման հետևանքով, որի կտորները թռչել են քաղաքի եվրոպական մասի Էսենյուրթ թաղամասից. ըստ T24-ի՝ միջադեպի հետևանքով տուժել է չորս մարդ, այդ թվում՝ մեկ երեխա։

Վնասվել են տրանսպորտային միջոցներ, մայրուղով ընթացող բեռնատարները շրջվել են, իսկ ժամացույցի աշտարակը փլուզվել է սաստիկ փոթորկի պատճառով։

Քաղաքում բոլոր լաստանավային ծառայությունները չեղարկվել են, իսկ մի քանի մուտքային թռիչքներ վերահղվել են այլ քաղաքներ։ Սև և Մարմարա ծովերի միջև ընկած Բոսֆորի նեղուցը երկու ուղղություններով փակ է ծովային երթևեկության համար։