ԱՄՆ-ը չի թուլացնի Իրանի դեմ պատժամիջոցները

Միացյալ Նահանգները միակողմանի միջոցներ չի ձեռնարկի, ինչպիսիք են պատժամիջոցների վերացումը՝ Իրանին միջուկային համաձայնագրի շուրջ բանակցություններին վերադարձնելու համար: Այս մասին լրագրողների հետ ճեպազրույցում հայտարարել է ԱՄՆ պետդեպարտամենտի մամուլի ծառայության ղեկավար Նեդ Փրայսը. հայտնում է ՏԱՍՍ-ը։

«Մենք շատ պարզ ասացինք՝ ինչ կողմից էլ նայեք, պատրաստ չենք և չենք ձեռնարկի միակողմանի քայլեր՝ որպես խայծ՝ միայն բանակցություններին ընթացք տալու համարЖ

Համաձայնագրին փոխադարձ վերադարձը բխում է Միացյալ Նահանգների շահերից, այն բխում է «5+1»-ի մյուս անդամների (Ռուսաստանը, Մեծ Բրիտանիան, Գերմանիան, Չինաստանը և Ֆրանսիան) շահերից, և դա, ինչպես իրանական նախորդ կառավարությունը եզրակացրել է, Թեհրանի շահերից է բխում, եթե մենք կարողանանք հասնել դրան»,- ասել է նա՝ պատասխանելով պատժամիջոցների թուլացման հնարավորության մասին հարցին: