Երբ նախագահը ոլոնտյոր է, իսկ վարչապետդ նաև թյուրքական աշխարհի դեսպան. Լիլիթ Գալստյան

ՀՅԴ Հայաստանի Գերագույն մարմնի անդամ, ԱԺ «Հայաստան» խմբակցության պատգամավոր Լիլիթ Գալստյանը գրում է.

«Երբ քո երկրի նախագահը մի քանի երկրներում արտահաստիքային տնօրեն է աշխատում կամ վոլոնտյոր, և բավարարվում է տարածքային ամբողջականության մասին թվիթերյան գրառումով, իսկ վարչապետդ նաև թյուրքական աշխարհի արտակարգ և լիազոր դեսպանն է և քո տարածքների ու ապագա գոյության հաշվին թուրանական աշխարհի համար հորիզոնական  ու ուղղահայաց կոմունիկացիաներ  է բացում։

Հ․Գ․ Օրերս թյուրքալեզու երկրների ստամբուլյան սամիթին /11․11․21/ Թուրքիայի անխոնջ առաջնորդությամբ և էրդողանի առաջարկով այն վերանվանվեց թուրքական պետությունների կազմակերպության։

Նրանք ամփոփում էին տարածաշրջանային ցցուն հաջողությունները և ապագա ռազմավարությունը, իսկ ՀՀ կառավարության անդամների մեծ մասը չգիտի-չի հասկանում, թե ինչ է նշանակում ռազմավարություն․․․»։