Թուրք գեներալը կանխատեսել է Իրաքի կողմից Քիրքուկ քաղաքը քրդերին փոխանցելը և կոչ արել Թուրքիային՝ խոչընդոտել դրան

Թուրք պատոնաթող փոխծովակալ Ջիհաթ Յայջըն կանխատեսել է, որ Իրաքի Քիրքուկ քաղաքը կփոխանցվի Իրաքյան Քուրդիստանի՝ «Փեշմերգայի» ուժերին։

Նրա խոսքով՝ նոյեմբերի 25-ին Իրաքը «թուրքական Քիրքուկ» քաղաքը (Յայջըն բազմիցս հայտարարել է, որ Իրաքի, Սիրիայի հյուսիսը, Հայաստանի, Հունաստանի և Վրաստանի մի մասը և Միջերկրականում մեծ տարածքները թուրքական են և պետք է վերադարձնել) կվերադարձնի Իրաքյան Քուրդիստանին: «Ես կոչ եմ անում մեր պետությանը և իրաքյան թյուրքերի միավորումներին` արձագանքել և թույլ չտալ, որ դա տեղի ունենա»,- ասել է պաշտոնաթող գեներալը։

Նշենք, որ Քիրքուկում զգալի թվով իրաքցի թուրքմեններ են ապրում։ 2017 թվականի հոկտեմբերի 16-ին Իրաքյան Քուրդիստանի անկախության հանրաքվեի արդյունքում քաղաքն անցավ իրաքյան կառավարական ուժերի վերահսկողության տակ։